Әруағыма сыйындым, бата оқып!

Қара түнді жарық қылған
Аштығымда тойдырған
Жылағанда жұбатқан
Қайғырғанда демеген

Жеті атам, әруағыңнан айналайын,
Жеті апам әруағыңа сыйынайын

Көңілімді шат қылған
Өсіп өнер жол салған
Әруағыңнан айналдым

***

Уа Тәңірім жарылқа
Өз жұртым мен нағашы жұртымнан жеті атама Бата арнадым

***

Бабамның әруағы шат болсын
Біздерге риза болсын
Ісімізді оңынан етіп,
Жамандықты аулақ етсін

***

Бабамның әруағы желеп-жебесін
Қысылғанда демесін

Ғайып Ерен Қырық Шілтен шылауымда болсын

Қыдыр ата жолдасымыз болсын

***

Уа әруақ, қиналғанда дем бер
Қолтығымнан сүйе
Белімді бекем ет

Мысымды бастырма,
Дұшпаныма күлкі етпе

***

Атыңнан айналайын аталарым
Өндірген мына бізді баталарың

***

Намысымды жақтыңдар
Дұшпанның жаман тілеуінен қақтыңдар

Өздеріңе сыйынамын
Медет тілеймін, демеу сұраймын!

Көк Тәңірі жарылқай гөр
Ұмай анам қуат бере гөр.

Әруағыма сыйындым
Тас-түйіндей түйілдім

Аманат үзілмесін
Жастың демі бітпесін

***

Ата-бабамның әруағына тие берсін

Дереккөз: https://news.shymkent.online/index.php/ark-aman-blogy/ruagyma-syjyndym-bata-ok-yp