Ақмырза әулеті (Құлшығаш) — 176–180-беттер

Аманкелді Мырзақұлов Мырзашөл өңіріндегі ағайындардың ақылшы ағасы, іскер қамқоршысы. Ұзын-Ата, Мұрынқарақ, Нағанай бек пен Алатау батыр ескерткіштерін салу, көркейту жұмыстанына үлес қосып, ағайын-туыстардың береке-бірлігін сақтауда ерекше ұйымшылдық танытып келеді. Омаров Исламбек Əдəһəмұлы – 1951жылдың 17 ақпанында Түркістан облысы, Сарыағаш қаласында дүниеге келген. 1968 жылы Арыс қаласындағы Ə.Жангелдин атындағы №7 орта мектепті бітірген соң, еңбек жолын тепловоз депосында қарапайым слесарлықтан бастайды. 1974 жылы Ташкент теміржол транспорты инженерлері институтын инженер-механик мамандығы бойынша бітірген соң Арыс қаласындағы тепловоз депосында машинистің көмекшісі, тепловоз машинисі, нормировщик, комсомол ұйымының хатшысы болып еңбек етті. Ал, 1975-1981 жылдары Арыс қалалық комсомол комитетінің бірінші хатшысы қызметін атқарды. Қалалық кеңестің депутаты, партия комитетінің мүшесі, бюро мүшесі болып сайланды. 1981-1983 жылдары Шымкент теміржол депосында аға инженерден тепловоз депосының басшысы лауазымына дейін өседі. 1983-1991 жылдар аралығында Шымкент қалалық жəне облыстық партия комитеттерінде бірқатар жауапты қызметтерді атқарды. 1991-1998 жылдары қай істің де көзін таба білетін іскер азамат уақыт талабына сай коммерциялық құрылымдарды, бірлескен кəсіпорындарды басқарып, нарықтық экономиканың қыр-сырын терең меңгергені мəлім. 1998-1999 жылдары Шымкент қалалық əкімдігінің ұйымдастыру-бақылау жəне кадрлар жұмысы бөлімінің меңгерушісі, аппарат басшысы қызметтерін абыроймен атқарды. 1999-2002 жылдары Шымкент қалалық əкімдігі көріктендіру жəне коммуналдық шаруашылық департаментінде, сондай-ақ, Абай ауданында басшылық қызмет атқарғанда өзінің нақты əрі ауқымды бағдарламаларын іске асыру мақсатында бірнеше бастама көтере білді. «Қаратау тəжі» атанған кенді қала – Кентауды басқарған 2002-2003 жылдарында келбетін ажарландыруды қолға алған Исламбек Омаровқа қаланың коммуналдық шаруашылығы бұрыннан таныс-тын. Кезінде өзі осы салада жемісті жұмыстар атқарған. Енді осында басшы болып келген соң тұрғын үйлер мен ғимараттардың алғашқы кескінін қайтару мақсатында қабырғаларымен қасбеттеріне ірілі-ұсақты жөндеу жұмыстарын жасатып, əктетіп, сырлатып, тəртіпке келтірді. Қала аумағында халықтың демалуына қолайлы жағдайлар жасады. 2003-2007 жылдары Техникалық реттеу жəне метрология комитеті Оңтүстік Қазақстан облысы бойынша басқармасы бастығының орынбасары болды. Шымкент қаласындағы «Мұз сарайын» салу жұмыстары Исламбек Əдəһəмұлына 176

үлкен сеніммен тапсырылды. Тəжірибелі азамат белгіленген мерзімде құрылысты сапалы аяқтап, өзіне тапсырылған жұмысты абыроймен атқарып шықты. Сөйтіп, 2007-2010 жылдары өзі іргетасын қалаған «Мұз сарайы» ЖШС-нің директоры қызметін атқарды. Ал, 2010 жылы Алматы қаласындағы «Метро- политен» коммуналдық мемлекеттік кəсіпорнында басшылық қызметте болды. 2015-2016 жылдары Қазақстан Республикасы Мəдениет жəне спорт министрлігінің «Т.Қ.Жүргенов атындағы Ұлттық өнер академиясы» мемлекеттік мекемесінде оқытушылық қызметте, 2016 жылдан бастап «Алматы қаласы мəдениет, спорт, ақпарат жəне полиграфия мекеме қызметкерлерінің Жергілікті «Руханият» кəсіподағы» қоғамдық бірлестігінің төрағасы қызметінде. Салықбаев Пернехан Əуезханұлы – 1955 жылы Арыс қаласында туған. Мал шаруашылығының маманы. Ауыл шаруашылығы ғылымдарының кандидаты, Арыс қаласының құрметті азаматы, Алматы малдəрігерлік институтын бітірген. 1977 жылы «Задария» қаракөл қой зауытының зоотехник-селекционері болған. 1985 жылы Қазақ қаракөл шаруашылығы ғылыми-зерттеу институтының аспирантурасын тəмамдап, кіші ғылыми қызметкер болып жұмыс істеді. 1986-89 жылдары Бөген аудандық парткомының нұсқаушысы, 1989-1991 жылдары Арыс ауданындағы «Задарья» совхозының партком хатшысы, 1992 жылы осы шаруашылық төрағасының орынбасары, зауыт директоры, 2002 жылы Арыс қаласы əкімінің орныбасары, Арыс қаласының əкімі қызметтерін атқарған. 2009 жылы «Нұройл» корпорациясы ЖШС-нің кеңесшісі, 2010 жылы «ҚоңырАт» ЖШС бас директорының кеңесшісі болып жұмыс істеген. Арыс қалалық мəслихатының І, ІІ, шақырылым депутаты, көптеген мемлекеттік марапаттаулар- дың иегері. Ысмайылов Серік – 1954 жылы дүниеге келген. Қазақ химия – технологиялық институтын тəмамдаған, құрылысшы-инженер. Одан соң Орталық Азия университетін бітірген, заңгер. 1976 жылдан бастап «Сельстрой 25» тресінің 2503 ЖМК-сының шебері, прорабы, аға прорабы, бас инженері, Ленин аудандық жол бөлімінің бастығы, «Шымкент реставрация» облыстық мекемесінің бастығы, «Казреставрация» тресінің бас инженері, басқарушысы, «Малвис Инвест» АҚ директоры болып қызметтер атқарған. 2001 жылдан Əділет министрлігі Тіркеу қызметі комитетінің Маңғыстау облысы бойынша жылжымайтын мүлік орталығының директоры. 2004 жылдан Əділет министрлігі Тіркеу қызметі комитетінің Солтүстік Қазақстан облысы бойынша жылжымайтын мүлік орталығының директоры. 2010 жылдан Ауыл шаруашылық министрлігінің Су ресурстары комитетінің «Есіл су» РМК директоры қызметтерінде болды. 2017 жылдан зейнеткер. Солтүстік Қазақстан облыстық маслихатының депутаты болып сайланған. «Қазақстан Республикасы Су саласының құрметті қызметкері», тағы да басқа марапаттардың иесі. Қазір Нұр-Сұлтан қаласында тұрады. Ағайынға 177

қамқор, жастарға үлгі. Сүйінбаев Абдулла Жұманұлы – 1956 жылы ОҚО Арыс қаласында туылған. Арыс қалалық мəслихаты І жəне ІІ шақырылымының депутаты. Оңтүстік Қазақстан облысы ІІІ шақырылымының депутаты. Өзінің туып-өскен қаласы мен облыстың əлеуметтік-экономикалық жəне мəдени дамуына, гүлденіп- өркендеуіне, Қазақстан темір жолына қосқан үлесі үшін «Құрмет белгісі» орденімен, «Қазақстанның Тəуелсіздігіне 20 жыл», «КТЖ-100 жыл» мерекелік медальдарымен, ҚР Президентінің Алғыс хатымен марапатталған. Арыс қаласының құрметті азаматы. «Құрметті теміржолшы» төсбелгісінің иегері. Қаныбеков Шералы Оспанəліұлы – 1953 жылы Киров ауданы, «Большевик» совхозында туылған. 1970 жылы Чкалов атындағы орта мектепті бітірген. 1970-72 жылдары Шардара қаласында №44 жылжымалы мехколоннада электромонтер, 1972-1977 жылдары Алматы энергетикалық институтын оқып бітірген. 1977-78 жылдары Шардара ГЭС-інде смена бастығы, 1978-81 жылдары Шардара электр жүйесінде инженер, 1981-86 жылдары Киров аудандық электр жүйесінің бас инженері, 1986-2002 жылдары Асықата аудандық электр жүйесінің бастығы, 2002-2004 жылдары Жетісай электр жүйесінің бастығы, 2004- 2006 жылдары Асықата аудандық электр жүйесінің бастығы, 2006-2008 жылдары Жетісай электр жүйесінің бастығы, ал,2008 жылдан Мақтарал аудандық «Мақтарал сервис» (ауыз су) мемлекеттік коммуналдық кəсіпорынның директоры. Көп жылғы жемісті еңбегі бағаланып, мемлекеттік «Ерен еңбегі үшін» медальмен жəне «Қазақстан Республикасына 10 жыл», 20 жыл, «Қазақстан Республикасы мəслихаттарына 20 жыл», «Облысқа сіңірген еңбегі үшін» медальдарымен марапатталған. Еңбектегі жетістіктері үшін 2014 жылы Республикалық «Сала көшбасшы- сы» номинаңиясының жеңімпазы, «Даңқ жұлдызы» орденінің иегері. Мақтаарал ауданының құрметті азаматы. 1V - шақырылымдағы Мақтаарал аудандық мəслихатының депутаты, V-VI шақырылымдағы облыстық мəслихаттың депутаты. Əлжанов Дəуіт Серікұлы – 1953 жылы 20 желтоқсанда Мақтаарал ауданы Славян совхозы, Красная ауылында дүниеге келген. Жетісай қаласындағы Ш.Уалиханов атындағы орта мектепті бітіреді. Еңбек жолын Өзбекстанның Фарш ауданы, Амангелді совхозында бастайды. Одан соң Отан алдындағы əскери болышын өтейді. 1979 жылы Қарағанды қаласындағы политехникалық институтты бітіріп, Жетісайға оралады. Құрылыс зауытының лаборатория инженері, ауысым шебері, ал, 1981-1983 жылдары темір-бетон өнімдерінің полигон бастығы, 1983-1984 жылдары аға инженері, 1984-1994 жылдары директордың орынбасары қызметтерін атқарады. 2000-2004 жылдары зауыт директоры. 2004-2005 жылдары Мақтаарал ауданының құрылыс жəне сəулет коммуналдық шаруашылық бөлімінің басшысы, 2005-2009 жылдары тұрғын үй, коммуналдық шаруашылық, автомобиль жолдары бөлімінің басшысы, 2010 жылы Жетісай қаласы əкімінің аппараты бас маманы-сəулетшісі, 2012-2015 жылдары 178

«Мақтаарал ауданы əкімінің коммуналдық шаруашылығы» ЖШС директоры қызметтерінде болады. Ал, 2015 жылы «Баян» кооперативінде кеңесші, 2016 жылы ауылшаруашылығы басқармасының «Табиғат қорғау» мемлекеттік коммуналдық кəсіпорнында Төлеби, Сайрам, Түлкібас аудандарының су қоймаларының бастығы қызметтерін абыроймен атқарады. Дəуіт Серікұлы ағайынның бірлігі жолында көптеген игі жұмыстар атқарып келеді. Ол Ұзын-Ата комплесінің құрылысына, абаттандыру жұмыстарына белсене араласты. Сапарбаев Жұматай – 1960 жылы дүниеге келген. Ішкі істер саласының ардагері, отставкадағы полиция полковнигі. Бүкіл саналы ғұмырын қоғамдық тəртіпті сақтау саласына бағыштаған Ж.Сапарбаев жаңа мыңжылдықтың басынан бері Арыс стансасындағы, одан соң Шымкент стансасындағы желілік ішкі істер басқармасын басқарды. Ол өзі жетекшілік жасаған ведомоствоның үлгілі жұмысын қамтамасыз етумен қатар, мекемелердің материалдық-техникалық базасын жақсартуға ерекше ден қойды. Ол темір жол бойындағы қоғамдық орындарда тəртіп пен тазалық сақталуына, өзі басшылық жасайтын ұжым мүшелері арасында салауатты өмір салтын орнығуына бастамашы болды. Сала қызметкерлерімен қатар, ішкі істер органы ардагерлерінің спортпен айналысуына ықпал жасады. Жұматай Сапарбаев Арыс қаласының құрметті азаматы, ол басшылық жасаған еңбек ұжымы облыс пен темір жол саласы ғана емес, бүкіл ел көлемінде ұдайы жоғары нəтижелерге қол жеткізіп, алғысқа бөленді. Ішкі істер саласындағы ұзақ жылғы мінсіз кызметі үшін Жұматай Шертайұлы ҚР Президентінің Алғыс хатымен, II дəрежелі «Айбын» орденімен, «Конституцияға 10 жыл» медалімен марапатталды. Қошқарбек Мырзакелдіұлы 1938 жылы Бөржар аумақтық əкімшілігіне қарасты Қаракемер ауылында туған. Шымкент педагогикалық институтын бітірген. 1962-2002 жылдары білім саласында еңбек етті. Бірнеше рет ауылдық жəне аудандық мəслихаттың депутаты болды. Білім саласы бойынша республикалық, облыстық, аудандық Құрмет грамоталарымен, облыстық мəслихаттың Құрмет грамотасымен, «Еңбектегі ерлігі үшін» медалімен, «Білім беру ісінің үздігі» белгісімен марапатталған. Осы Ордабасы ауданындағы білім саласында еткен сапалы еңбегі еленіп, 2002 жылы Ордабасы ауданының құрметті азаматы атағы берілді. Қарымсақов Ерғали Əбдəзімұлы – 1959 ж. Шардара ауданы Сүткент кеңшарында дүниеге келді. Мектепті тəмамдаған соң 1975 жылы Жамбыл технологиялық жеңіл жəне тамақ өнеркəсібі институтын бітірген. 1981 жылы Шардара аудандық тұтынушылар одағына қарасты шикізат дайындау мекемесінде аға тауартанушы қызметін атқарып, 1982 жылы мамыр айында əскер қатарына шақырылды. 1988-1993 жылдары аралығында Сүткент, Достық кеңшарларында тұтынушылар одағының төрағасы, 1995-96 жылдары аудандық орталық базар директоры қызметін атқарды. 1996 жылдан «Қарымсақов жəне К» толық серіктестігінің директоры. 1994, 2007, 2012 жылдары Шардара аудандық 179

мəслихатының депутаты болып сайланды. Шардара ауданының құрметті азаматы. Исабеков Зиядин Қашқынұлы – 1960 жылы Өзбекстан Республикасы, Ташкент облысы, Бөке ауданында дүниеге келген. 1966-1969 жылдары Шымкент облысы, Бөген ауданындағы «Мақташы» бастауыш мектебінде оқыды, 1969-1976 жылдары осы аудандағы Жамбыл орта мектебінде білім алып, бітіріп шықты. 1977-1982 жылдар аралығында Алматыда сол кездегі С.М.Киров атындағы Қазақ Мемлекеттік университетінің тарих факультетінде білім алды. Ол ауыр салмақта күресіп, студент кезінің өзінде-ақ күрестің үш түрінен, самбо, дзю-додан КСРО спорт шебері, қазақша күрестен Қазақ КСР-і спорт шебері нормативін орындады. Жастар арасында КСРО чемпионы атанды. Ол самбо мен дзю-додан елімізде ең алғашқылардың бірі болып «КСРО-ға еңбегі сіңген жаттықтырушы» атағын алған білікті бапкер Темірхан Досмұхамбетовтің қол астында тер төкті. Университетті тəмамдаған соң ҚазМУ-де аспирантурада оқыды, қосымша ҚазМУ-дің Ыстықкөлдегі санаторийінде директор болып қызмет аткарды. Зиядин Қашқынұлы жастайынан ұлттық əдебиет пен мəдениетке, тарихқа ерекше көңіл қойғандықтан еліміздін ұлтжанды, патриот азаматы болды. Зиядинді 1986 жылы Желтоқсан көтерілісіне қатысқаны үшін сол кездегі жүйе аспирантурадан шығарып, жұмыстан босатты. Қудалауға ұшырады. Алматыдан Шымкентке келіп, бір жылдай жұмысқа орналаса алмай жүрді. Себебі, қайда барса да Желтоқсанға қатысқаны алдынан шыға берді. 1987 жылы М.О.Əуезов атындағы Шымкент педагогикалық институтының КСРО тарихы кафедрасына оқытушы болып қабылданып, онда 1991 жылға дейін қызмет атқарды. Осы жылдары археология саласымен шұғылданып, Ордабасы ауданында қазба жұмыстарын жүргізді. Қазақ-жоңғар соғысының тарихын зерттеді. 1988 жылдың өзінде-ақ Зиядин халықаралық туристік археологияға лицензия алды. Соның арқасында алғаш болып американдық ғалымдар, олардан соң француздық ғалымдар елімізге келіп, қазба жұмыстарына қатысты. 1991 жылы Түркістанда университет ашылғанда 3.Исабеков алғашқы- лардың бірі болып барып, ғылым, білім саласында, əсіресе археология ғылымы саласының өркендеуіне өз үлесін қосты. 1991 жылы желтоқсан айында Ленинград (Санкт-Петербург) кітапхасында тарих ғылымынан кандидаттық диссертациясын сəтті қорғады. Университет жанынан археологиялық ғылыми-зерттеу орталығын, кейін археология жəне этнология ғылыми-зерттеу институтын ашып, директоры болған жылдарында Түркістан өңірінің көне тарихын жаңаша зерттеу мақсатында Қазақстандағы жəне шет мемлекеттердегі білікті археологтарды, тарихшыларды, этнографтарды жұмысқа тарта білді. Нəтижесінде Оңтүстік Қазақстан аумағынан бірнеше жаңа археологиялық нысандар зерттелді. Тас дəуірінің Шоқтас, Қошқорған ескерткіштері ашылды. Түркістан қаласының жасы 1500 жыл емес, 2000 жылдан əрі асатыны анықталды. Зиядин Қашқынұлы Ясауи кесенесін күрделі жөндеу кезінде шығарылып тасталған адам мүрделерін, соның ішінде Абылай хан мүрдесін қайта зерттеп, тануға тікелей ұйтқы болды. Ғылыми жұмыстардың барлық ауыртпалығын өзі көтерді. Зерттеулер нəтижесінде қазақ халқының ұлы ханы Абылайдың бет-бейнесі анықталды. 180